სიახლეები

ოფიციალური განცხადება
21/05/2019
26 მაისის ქუჩაზე წყალმომარაგების მილზე ტექნიკური სამუშაოები იგეგმება!  ...
ნურის ტბის შესახებ ცნობიერების ამაღლების მიზნით შეხვედრა გაიმართა
17/05/2019
შპს „ბათუმის წყალის“ გენერალურმა დირექტორმა მარიკა გვიანიძემ საბუნებისმეტყველო მეცნიერებათა ...
მაიაკოვსკის ქუჩაზე მიწისქვეშა კომუნიკაციები ეწყობა
15/05/2019
შპს „ბათუმის წყალი“ მაიაკოვსკის ქუჩაზე N65-ში მიწისქვეშა კომუნიკაციის   ...

წყალმომარაგება

სუფთა, სასმელად ვარგისი წყლის მოპოვება და მომხმარებლამდე დისტრიბუცია რთული პროცესია, რაშიც კომპანია „ბათუმის წყალი“ დიდ რესურსს დებს. „ბათუმის წყლის“ წყალმომარაგების მთავარი არტერია ჩაქვისა და ჩაისუბნის წყლის სათავე ნაგებობებია, სადაც წყლის აღება ზედაპირული კაშხლური სახით ხდება.

ჩაქვის სათავე ნაგებობა მდინარე ჩაქვისწყალზეა აგებული, ხოლო ჩაისუბნის სათავე ნაგებობა მდინარეებზე - ყოროლისწყალსა და ლეჩაზე. მდინარეებზე მოპოვებული წყალი შემოწმების რამდენიმე ეტაპს გადის, წყალი მრავალჯერადად იქლორება, იფილტრება და სალიბაურისა და ინჯალოს რეზერვუარებში თვითდინებით გადადის, სადაც წყლის ხარისხი წყალგაყვანილობის ქსელში გაშვებამდე ხელახლა მოწმდება. 

წყალმომარაგების გამანაწილებელი ქსელის სათანადო ფუნქციონირების მეთვალყურეობას კომპანიის მონიტორინგისა და დაგეგმარების სამსახური კომპიუტერული გეოსაინფორმაციო სისტემის დახმარებით ახორციელებს. გეოსაინფორმაციო სისტემაში ასახულია ქალაქის წყალმომარაგებისა და წყალარინების ქსელის სქემა, რომელზეც დატანილია ინფორმაცია მილის დიამეტრის, სისქის და ნაირსახეობის შესახებ. ასევე, მითითებულია სარქველებისა და ჰიდრანტების ადგილმდებარეობა. 

ინჯალოსა და სალიბაურის რეზერვუარების მშენებლობა და მეჯინისწყლის სატუმბო სადგურის რეაბილიტაცია, ინფრასტრუქტურის რეაბილიტაციის პროექტის ფარგლებში მოხდა. საწნევო და სამარაგო რეზერვუარების სისტემაში გაშვების შემდეგ, ექსპლოატაციიდან ამოღებული იქნა მეორადი დაწნევის ტუმბოები, რამაც ელექტროენერგიის წლიური ხარჯი საშუალოდ 1000 000 ლარით შეამცრია. ორივე რეზერვუარი მიწისქვეშაა განთავსებული და მათი საერთო მოცულობა ჯამში 20000 მ3

 

 წყლის ხარისხის შემოწმება და ლაბორატორიული სინჯების აღება წყლის დამუშავების ყველა ეტაპზე ხდება. წყალგაყვანილობის ძირითადი, ახალი სისტემისთვის პოლიეთილენის მილებია გამოყენებული.